Urteko garairik kutunena Donostiara joateko aitzakia ezin hobea da: Gabonetako Azoka eskaintzen duen hiri eder bat, Erdialdeko Europakoak inspirazio-iturritzat hartuta. Eraikinen edertasuna eta inguru naturala ez ezik, Gabonetako giroa ere paregabea da: argiak, atrakzio zoragarriak, Kontxako badiaren gainean bista ikusgarriak eskaintzen duen noria handi-handia eta Gabonetako Azoka. Donostia berdingabea da Gabonak bizitzeko.

Urumea pasealekua Gabonetako Azokaren agertoki bikaina da: Frantzia pasealekuko eraikin handikiak, Gabonetako argien isla ibaiaren uretan eta tentu handiz aukeratutako Gabonetako postuak, apain-apain eginda eta garaiko produktuz beteak. Eta atzean, Donostiako zubien arkitektura monumentala. Gabonetako Azokaren zirkuitua Santa Katalina plazaraino heltzen da. Ibilbide liluragarri horretan zehar, Maria Cristina hoteleko egundoko argiak ikusten dira, baita Besarkada eskultura ere, pandemian zehar elkarri eman ezin izan dizkiogun besarkadak adierazten dituena.