Izendapena Italiako Genova hiriarekin partekatuko du, Gabonetako Europako Hiriburuaren Lehiaketaren Nazioarteko Epaimahaiak aurkeztutako proiektuaren maila tekniko handia, proposamenak eta hiriak Eguberrietako Europako balioekin duen konpromisoa baloratu ondoren. Donostiako 2022ko Gabonetako proiektuak hainbat elkartasun-ekintza, teknologia berriak edo merkatuaren nazioartekotzea aurreikusten ditu.
Ekonomia Bultzatzeko zinegotzi Marisol Garmendiak adierazi zuenez, duela bost urte hasi ginen amets egiten Gabonetako espirituak gure hiria busti zezan, herritarrak eta bisitariak ilusionatuz kaleetako Gabonetako argiztapenaren bidez eta Urumea ibaiaren ondoan Gabonetako Azoka bat jarriz Europa erdialdeko merkatuen estiloan. Sari hau azken urteetan Donostiarako Gabonak osatzeko egindako lanaren ondoren dator: solidarioa, inklusiboa, berritzailea, originala eta tokiko sektore ekonomikoei laguntzekoa, hala nola merkataritzari eta ostalaritzari. Gabonetan hiria bultzatzeko eta helmuga turistiko gisa kokatzeko erabili beharreko aintzatespena da. Gainera, Eguberrietako Europako hirien sarerako sarbidea ematen digu, eta horiekin esperientziak, ezagutza eta abar trukatu ahal izango ditugu. Izen horrek bultzatzen gaitu herritarrei eta bisitariei gabon berezi eta maitagarri bat eskaintzeko lanean jarraitzera.
Eguberrietako Hiri Europarra saria 2017an sortu zen, Europar Batasuna osatzen duten estatuen arteko bakea, bizikidetza eta harmonia sustatzeko helburuarekin. Gabonen eta Europar Batasunaren berezko balioak zabaldu nahi ditu, eta hirien irudia sustatu, Gabonak ospatzeari dagokionez dituzten ezaugarriak eta aniztasuna ezagutaraziz, eta sektore ekonomiko, kultural eta sozialak aktibatuko dituzten proiektuak garatzen lagundu, hiriaren eta bertako biztanleen onurarako.
Hain zuzen ere, Donostiari saria ematerakoan, kontuan hartu da hiriak Europar Batasunaren berezko balioak sustatzeko eta Gabonak ospatzeko hartu duen konpromisoa: elkartasuna, bizikidetza, iraunkortasuna, komunitatea sortzea, aniztasunari arreta ematea, hainbat komunitate sartzea, tokiko eta Europako nortasuna sustatzea, bai eta eragin sozioekonomikoa eta herritarrentzako estrategikoak diren sektoreen aktibazioa ere: kultura, merkataritza, turismo hezkuntza, herritarren elkarteak.
